ზაქარია ქუცნაშვილი – ჩვენ შევიკრიბებით და განვიხილავთ თითოეულ შენიშვნას

პრეზიდენტის შენიშვნები, როგორც ვიცი, სასამართლოს თავმჯდომარეების არჩევის საკითხს ეხება, რასაც მეც ვეწინააღმდეგებოდი, – ამის შესახებ „კვირას“ პრესკლუბში გამართულ პრესკონფერენციაზე საპარლამენტო უმრავლესობის წევრმა ზაქარია ქუცნაშვილმა განაცხადა.
ქუცნაშვილი მიიჩნევს, რომ სასამართლო არ უნდა იყოს პოლიტიკური ხელისუფლების განშტოება.
„ჩვენ, ფაქტობრივად, პირვანდელი რედაქციიდან ამოვიღეთ უზენაესი სასამართლოს შემადგენლობასთან დაკავშირებით არსებული ხარვეზი. არ უნდა ჩნდებოდეს სასამართლოში თვითნებობის რისკი. დანარჩენ 4 შენიშვნასაც გავეცნობი. ჩვენ შევიკრიბებით და განვიხილავთ თითოეულ შენიშვნას, მე ვერ ვილაპარაკებ მთელი პარლამენტის სახელით. დიდი ალბათობით მოხდება რამდენიმე შენიშვნის გათვალისწინებაც და რამდენიმე შესაძლოა არ იყოს გათვალისწინებული,“ – განაცხადა ზაქარია ქუცნაშვილმა „კვირას“ პრესკლუბში გამართულ პრესკონფერენციაზე.