ჯგუფს, რომელიც ახლა გავიდა “ნაციონალური მოძრაობიდან” ე.წ. ბოკერიას ფრთას, თავიდან ბოლომდე უნდოდა “ნაციონალური მოძრაობის” ხელში აღება. ეს ვერ შეძლეს, სხვა გზა აღარ ჰქონდათ დარჩენილი და გავიდნენ, – ამის შესახებ სამოქალაქო პლატფორმა “ახალი საქართველოს” თავმჯდომარე გიორგი ვაშაძე გაზეთ “რეზონანსთან” საუბრისას განაცხადა.
– რაც შეეხება ვანო მერაბიშვილს, მის გადაწყვეტილებასთან დაკავშირებით რას ფიქრობთ?
–არ ვიცი. ადამიანი ციხეშია და გააკეთა განცხადება. რაც თქვენ იცით, ის ვიცი მეც.
– და მაინც საბოლოოდ, თქვენი აზრით, გადავა თუ არა ბოკერია-უგულავს ფრთაში?
– არ ვიცი. ნაკლებად მაინტერესებს.
-მაგრამ თქვენ მას პირადად იცნობდი და იცით მისი დამოკიდებულება ამა თუ იმ ადამიანების მიმართ…
–არ ვიცი, რომელ ფრთას აირჩევს ვანო მერაბიშვილი. ეს არ არის ნომერ პირველი საკითხი.
-ანუ მისი არჩევანი ამა თუ იმ მხარისთვის გადამწყვეტი არ იქნება?
– არა მგონია.
“რეზონანსი”