“სტრატეგია რა ჰქონდა ვაშაძეს, ან აღმაშენებლობის რომ მას არაფერი ჰქონდა, ეს საზოგადოებამ დაინახა, ამიტომაც დაუბრუნდა თავის დედულეთს თუ მამულეთს – „ნაცმოძრაობას“, – ამის შესახებ „ხალხის ძალის“ წევრმა, გურამ მაჭარაშვილმა „ნაციონალური მოძრაობასა“ და „სტრატეგია აღმაშენებელზე” საუბრისას განაცხადა.
მაჭარაშვილის თქმით, ორივე პარტიის მიზანი საქართველოს წინააღმდეგ ბრძოლაა.
„სტრატეგია აღმაშენებელი“, რომელიც შემოვიდა პარლამენტის 4 წევრით, დარჩა 2 წევრი. 2024-მდე შეიძლება 1 წევრი დარჩეს. „ნაციონალური მოძრაობა“ შემოვიდა 36 პარლამენტის წევრით, ახლა არიან ოცნი, ანუ პრაქტიკულად განახევრდნენ. ნახეს თავადაც კვლევები, რომ სანდოობის ხარისხი დაბლა იწევს და ახლა მოიფიქრეს ის, რომ მაინც ერთიანი ვართ, მაინც ერთი მიზანი გვაქვს, მაინც საერთო ჯიში გვაქვსო და მათი პოლიტიკური მიზნებია – საქართველოს წინააღმდეგ ბრძოლა. აქედან გამომდინარე თქვეს, რომ გაერთიანდნენ რაღაცნაირად. სტრატეგია რა ჰქონდა ვაშაძეს, ან აღმაშენებლობის იმას რომ არაფერი ჰქონდა, ეს საზოგადოებამ დაინახა, ამიტომაც დაუბრუნდა თავის დედულეთს თუ მამულეთს – ნაცმოძრაობას და სავარაუდოდ, ახლა ჩასვამენ სიაში“, – განაცხადა მაჭარაშვილმა.
ცნობისთვის, “ნაციონალური მოძრაობისა” და „სტრატეგია აღმაშენებლის” ლიდერებმა ერთიანი პოლიტიკური პლატფორმის შექმნის შესახებ განცხადება გუშინ გააკეთეს.