“კონკრეტულად ვაშაძის მიზანი ყოველთვის იყო, არის და იქნება, რამენაირად თავისი ადგილი მონახოს მზის ქვეშ და მოხვდეს ამ კონკრეტულ შემთხვევაში პარლამენტში”, – ამის შესახებ პარლამენტის საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა „ქრონიკასთან“ განაცხადა.
“თეონა აქუბარდია კიდევ მეტ-ნაკლებად იყო ხოლმე ჩართული სხვადასხვა საკითხში, მაგრამ რაც შეეხება გიორგი ვაშაძესა და პაატა მანჯგალაძეს, მათი ჩართულობა არ მახსენდება.
ის, რომ ისინი ადვილად შეელივნენ ამ ჯგუფს, ამაში არაფერია გასაკვირი, რადგან მათი მიზანი, კონკრეტულად ვაშაძის მიზანი ყოველთვის იყო, არის და იქნება, რამენაირად თავისი ადგილი მონახოს მზის ქვეშ და მოხვდეს ამ კონკრეტულ შემთხვევაში პარლამენტში“, – აღნიშნა ქადაგიშვილმა.
„ნაციონალურ მოძრაობასთან“ გაერთიანების შემდეგ რეფორმების ჯგუფის წევრები გიორგი ვაშაძეს და პაატა მანჯგალაძეს ჯგუფის დატოვებისკენ მოუწოდებენ.