მიხეილ უკლება, გია ცერცვაძე, მისი მეუღლე და ადვოკატი უკრაინის სახალხო დამცველს შეხვდნენ

უკრაინაში საქართველოს საგანგებო და სრულუფლებიანი ელჩი მიხეილ უკლება, საქართველოს კონსული ნანა ჩაბრავა, გია ცერცვაძე, მისი მეუღლე და ადვოკატი უკრაინის სახალხო დამცველს ვალერია ლუტკოვსკას შეხვდნენ.
საგარეო საქმეთა სამინისტროს ცნობით, შეხვედრისას უკრაინის სახალხო დამცველმა გია ცერცვაძეს გათავისუფლება მიულოცა და განაცხადა, რომ აღნიშნულ საქმეზე მონიტორინგს ახორციელებდა.
როგორც ვალერია ლუტკოვსკამ აღნიშნა, ამ საკითხთან დაკავშირებით კომუნიკაცია ჰქონდა ქართველ კოლეგა უჩა ნანუაშვილთან.
მისივე თქმით, უკრაინის სახალხო დამცველის აპარატი კვლავაც განაგრძობს მონიტორინგს ქართველი სამხედროს საქმეზე.
ქართულმა მხარემ შეხვედრაზე მადლობა გადაუხადა უკრაინის სახალხო დამცველს მხარდაჭერისთვის და გამოთქვა მზადყოფნა აღნიშნულ საქმეზე მომავალშიც აქტიური თანამშრომლობისთვის.