საქართველოს რაგბის ეროვნულ ნაკრებს ახალი კვართი აქვს. კვართები “ბორჯღალოსნებმა” მამუკა გორგოძემ და დავით კაჭარავამ წარმოადგინეს.
კვართზე გამოსახულია ქართული რაგბის სიმბოლო – ბორჯღალი, მწარმოებლისა და საქართველოს რაგბის კავშირის გენერალური სპონსორის, “თიბისი ბანკის” სამარკო ნიშნები. კვართის ზურგზე, ტრადიციულად, გამოსახულია ვაზი.
“საქართველოს რაგბის კავშირი დიდ მნიშვნელობას ანიჭებს ქართული რაგბის იდენტობის განმსაზღვრელ კომპონენტებს. ასეთ ელემენტებად უკვე დამკვიდრდა ბორჯღალი და ვაზის ლერწი. რაც შეეხება ფერებს, ჩვენი ნაკრები აქამდე ასპარეზობდა შინდისფერი, წითელი, შავი და თეთრი კვართებით. დარწმუნებული ვარ, რომ ახალი ფერი ორგანულად იქნება აღქმული ქომაგების მიერ და მომავალში ღვინისფერი ასოცირებული გახდება ახალ წარმატებებთან”, – განაცხადა საქართველოს რაგბის კავშირის პრეზიდენტმა, გოჩა სვანიძემ.
აღსანიშნავია, რომ მეორე, ალტერნატიულ ფორმად ბრუნდება თეთრი კვართი.
ახალი ფორმით “ბორჯღალოსნები” პირველად 2017 წლის “რაგბში ევროპის ჩემპიონატის” სტარტზე, 11 თებერვალს, ბელგიაში ითამაშებენ
