თბილისის საქალაქო სასამართლოს ყოფილი თავმჯდომარე იმ ადამიანების წინააღმდეგ, რომლებიც მას ბრალდებებს უყენებენ, სასამართლოში სარჩელის შეტანას გეგმავს. საპარლამენტო უმრავლესობის წევრი ზვიად ძიძიგური მამუკა ახვლედიანის განცხადებას, რომლის თანახმადაც მან შესაძლოა კომპენსაციის სახით 100 000 ლარი მოითხოვოს, ეხმაურება:
”დიდი ჯიბეები დაიკეროს… თავიდან მილიონს ითხოვდა, ეტყობა ეს მილიონები მაგათ ყურთან ძალიან ახლოს აქვთ. მილიონებს ითხოვდნენ, ახლა 100 000 ითხოვენ. რასაც მოიგებს სასამართლოში, იმასაც ვნახავთ. ჩვენ, რაც საჯარო სივრცეში ვრცელდება, იმასთან დაკავშირებით აზრის გამოთქმის უფლება გვაქვს და პიროვნული შეურაცხყოფა მისთვის არავის მიუყენებია, ეს ფაქტია. ასე, რომ მინდა ყველას ვუთხრა, არავის შეურაცხყოფა ჩვენ აზრად არ გვაქვს, მაგრამ ადამიანებზე, რომლებიც კონკრეტულ საქმიანობაში არიან ჩართულები, ამ საქმიანობაზე შეფასების უფლება ყველას გვაქვს“, – განაცხადა ზვიად ძიძიგურმა.