მოსამართლე ნატა ნაზღაიძის გარშემო განვითარებულ მოვლენებს „ექსკლუზივ ნიუსთან“ საუბარში ეხმაურება ზაზა გაბუნია.
„ჩვენი ქვეყანა მიჩვეულია „ნაციონალური მოძრაობის“ მხრიდან პროვოკაციებს. ის გეგმავს პროვოკაციებს და შემდეგ ცდილობს შედეგებით თავად იხეიროს. ეს საკითხიც ასეთივეა. ბევრი კითხვის ნიშანია იმ ბრალდებებზე, რასაც მოსამართლეს უყენებენ, ისინი ზეწოლას ახდენენ მოსამართლეზე და ცდილობენ მისი სახელის დისკრედიტაციას. ოპოზიცია იმისთვის არსებობს, რომ დასვას შეკითხვები და გაეცეს პასუხები. ამ გადმოსახედიდან ჩანს რომ ეს არის „ნაციონალური მოძრაობის“ მიერ აგორებული სკანდალი, რომელიც ცდილობს ე.წ. დუღილის ტემპერატურის აწევას. ესენი არიან ადამიანები, რომლებიც ხელისუფლებაში ყოფნის დროს დემოკრატიულს ყველაფერს ანადგურებდნენ. ეს არის მათი პარტიული სტრატეგია და საზოგადოებაც აღიქვამს ამას“-განუცხადა „ექსკლუზივ ნიუსს“ ზაზა გაბუნიამ.