პარლამენტის პლენარულ სხდომაზე, კამათის გამო, ათწუთიანი შესვენება გამოცხადდა. სხდომაზე კამათი მას შემდეგ დაიწყო, რაც ფრაქცია „ევროპული საქართველოს“ წევრებმა სხდომათა დარბაზში ბანერის განთავსება ითხოვეს.
ბანერის გაკვრა წარწერით „არა მედიაშტურმს“, რომელიც მედიის თავისუფლებას ეხება, უმცირესობის წევრმა, ელენე ხოშტარიამ სცადა, თუმცა მანდატურის სამსახურმა მას ამის საშუალება არ მისცა.
უმრავლესობამ უმცირესობას, მოუწოდა, რომ ბანერი არ განეთავსებინათ, რასაც მწვავე სიტყვიერი დაპირისპირება მოყვა.
საბოლოოდ „ევროპული საქართველოს“ წევრებმა ბანერის გაშლა საკუთარ ტრიბუნასთან მაინც მოახერხეს.
კომენტარები