საქართველოს პრემიერ-მინისტრი გიორგი კვირიკაშვილი „ტვიტერში“ წერს, რომ საგარეო საქმეთა მინისტრი მიხეილ ჯანელიძე ერთ-ერთი პირველი მთავარი დიპლომატია, ვინც აშშ-ის ახალ სახელმწიფო მდივანს შეხვდა.
„საგარეო საქმეთა მინისტრი მიხეილ ჯანელიძე ერთ-ერთი პირველი მთავარი დიპლომატია რომელიც შეხვდა სახელმწიფო მდივან რექს ტილერსონს. დღეს საქართველო/აშშ-სთვის დიდი დღეა“, – წერს საქართველოს პრემიერი.
ამასთან, პრემიერ-მინისტრი ამერიკის სახელმწიფო დეპარტამენტის მიერ „ტვიტერზე“ გავრცელებულ ვიდეოს და ინფორმაციას აზიარებს, რომელშიც აღნიშნულია, რომ ტილერსონი ჯანელიძეს შეხვდა.
კომენტარები
