მსოფლიოს ყველაზე ძლევამოსილი პასპორტების 2024 წლის რეიტინგში პირველ ადგილს საფრანგეთი, გერმანია, იტალია, იაპონია, სინგაპური და ესპანეთი იყოფენ. ამ ქვეყნების პასპორტების მფლობელები, მოგზაურობისთვის ყველაზე მოსახერხებელი პირობები აქვთ. ასეთია Henley & Partners-ის ინდექსის ახალი ანგარიში, რომლის შესახებაც ინფორმაციას CNN-ი ავრცელებს.
გამოცემის ინფორმაციით, ამ 6 ქვეყნის მოქალაქეს 194 სახელმწიფოში შეუძლიათ უვიზოდ მოგზაურობა, რაც ყველაზე მაღალი მაჩვენებელია. რეიტინგში საქართველოც მოხვდა. ჩვენი ქვეყნის მოქალაქეებს უვიზოდ 121 ქვეყანაში შეუძლიათ მოგზაურობა, რაც საკმარისი აღმოჩნდა რეიტინგში 50-ე ადგილისთვის.
2024 წლის ყველაზე სუსტი პასპორტი კი ავღანეთის მოქალაქეებს აქვთ (104-ე ადგილი), რომლებსაც მხოლოდ 28 ქვეყანაში შეუძლიათ უვიზოდ მოგზაურობა.
კომენტარები