გთხოვთ, ნუ დაივიწყებთ უკრაინას, – განაცხადა ჰუმანიტარულ საკითხებში გაეროს გენერალური მდივნის მოადგილემ, მარტინ გრიფიტსმა.
გაერომ დონორებს 4.2 მილიარდი დოლარის გამოყოფის თხოვნით მიმართა 2024 წელს უკრაინისა და უკრაინელი ლტოლვილების მხარდასაჭერად.
“ჩვენ მიზანმიმართულად ვამცირებთ იმ თანხის რაოდენობას, რომელსაც ვითხოვთ – არა იმიტომ, რომ გვგონია, რომ საჭიროებები მცირდება ან ომის პირობები უკეთესდება უკრაინელი ხალხისთვის – არამედ იმიტომ, რომ პრიორიტეტები უნდა ავირჩიოთ.
ჩვენ კარგად გვესმის, რომ სასტიკ კონკურენციაში ვართ მსოფლიოს სხვა ნაწილებთან, დახმარების პროგრამების ერთმანეთთან შეჯიბრის სასტიკ სიმართლეში.
ჩვენ ვაგრძელებთ მოლაპარაკებებს რუსეთის მთავრობასთან იმის შესახებ, თუ როგორ მივიღოთ წვდომა იმ ადამიანებთან, რომლებსაც, ალბათ, ყველაზე გადაუდებელი საჭიროება აქვთ, რადგან უკვე ორი წელი გავიდა, რაც მათ რაიმე რეალური, ეფექტური, რეგულარული, სანდო ჰუმანიტარული დახმარება მიიღეს”, – აღნიშნა მარტინ გრიფიტსმა.