მამუკა ხაზარაძე ან აზრზე არ არის, თუ რაზე საუბრობს, ან ძალიან უტიფარია, ან არის თაღლითი, რაც სასამართლოთიც დადასტურებულია, – ამის შესახებ ფრაქცია „ქართული ოცნების“ თავმჯდომარის მოადგილემ, ბექა დავითულიანმა განაცხადა.
„მამუკა ხაზარაძე ამბობს, რომ ეკონომიკის გაორმაგება და ერთ სულ მოსახლეზე მშპ-ს 8000 დოლარამდე გაზრდა არ აისახება არავისზე. ყველა ქვეყანაში აისახება და საქართველოში არ აისახება. ამავდროულად გვეუბნება, რომ ეს არაფერს ნიშნავს, თან 1000-ლარიან პენსიას ჰპირდება ხალხს და თან რუსეთისთვის სანქციების დაწესებას ითხოვს. ეს ნიშნავს ერთადერთ მარტივ რამეს, რომ მამუკა ხაზარაძე ან აზრზე არ არის, თუ რაზე საუბრობს, ან ძალიან უტიფარია, ან არის თაღლითი, რაც სასამართლოთიც დადასტურებულია“, – აღნიშნა დავითულიანმა.
„ლელოს“ დამფუძნებელი მამუკა ხაზარაძე ქვეყნის ეკონომიკურ წინსვლას ეჭვქვეშ აყენებს და პენსიონერებს 1000-ლარიან პენსიას ჰპირდება. „ქართულ ოცნებაში“ ხაზარაძეს თაღლითს უწოდებს.