გერმანიას ძლიერი თოვლი და ყინულის წვიმა დაატყდა თავს, რამაც სატრანსპორტო სისტემაში შეფერხებები გამოიწვია. ამის შესახებ Deutsche Welle წერს.
გამოცემის ინფორმაციით, ფრანკფურტსა და მიუნხენში ასობით ავიარეისები გაუქმდა, მგზავრებს წინასწარ სთხოვეს, აეროპორტებში არ მისულიყვნენ. ბევრ ქალაქში საზოგადოებრივი ტრანსპორტის მუშაობა შეწყდა, სკოლებში კი გაკვეთილები გაუქმდა.
რთული სიტუაცია იყო საავტომობილო გზებზე, სადაც ასობით ავარია მოხდა, ავტობანებზე კი მრავალმეტრიანი საცობები შეიქმნა. რადგან თოვა მთელი ღამის განმავლობაში არ წყდებოდა, რამდენიმე ტრასაზე მოძრაობა სრულად დაიბლოკა, ასობით სატვირთო მანქანის მძღოლს კი ღამის გატარება პირდაპირ გზაზე, საკუთარ მანქანებში მოუწიათ.
კომენტარები