„ქართული ოცნების“ თავმჯდომარის, ირაკლი კობახიძის ხელმძღვანელობით, მმართველი პარტიის დელეგაციის ვიზიტი ჩინეთის სახალხო რესპუბლიკაში დღეს სრულდება. მმართველი გუნდის წევრებმა არაერთი მაღალი რანგის შეხვედრა გამართეს პეკინსა და შანხაიში. „ქართული ოცნების“ წევრები ვიზიტს ნაყოფიერს უწოდებენ და აცხადებენ, რომ სტრატეგიულ პარტნიორთან აუცილებელია როგორც პოლიტიკური, ისე ეკონომიკური ურთიერთობების გაღრმავება, რაზეც ორივე მხრიდან მზაობა გამოითქვა და არაერთ შეხვედრაზე მისი ხაზგასმა მოხდა.
ირაკლი კობახიძის განცხადებით, მიუხედავად იმისა, რომ საქართველოს ჩინეთთან მჭიდრო ეკონომიკური თანამშრომლობა უკვე აკავშირებს, არსებობს დიდი სივრცე იმისთვის, რომ ეს თანამშრომლობა, სავაჭრო ეკონომიკური ურთიერთობები კიდევ უფრო გაღრმავდეს, რისთვისაც საქართველოს მხრიდან მაქსიმუმი გაკეთდება.
შეხვედრებზე განხილვის საკითხი იყო ასევე, თანამშრომლობა სავაჭრო ურთიერთობების, ენერგეტიკის, ტრანსპორტის, ტურიზმისა და კულტურის მიმართულებით. ოფიციალურ აუდიენციებზე გამოითქვა მხარდაჭერა ჩვენი ქვეყნის და იმ პროცესების მიმართ, რომელიც დაკავშირებულია თანამშრომლობის შემდგომ გაღრმავებასთან.