სრულიად საქართველოს კათოლიკოს-პატრიარქის თანამოსაყდრემ, მეუფე შიომ, სამების საკათედრო ტაძარში ნათლისღების სადღესასწაულო წირვის დასრულების შემდეგ მრევლს ქადაგებით მიმართა.
მიტროპოლიტმა მორწმუნეებს დღესასწაული მიულოცა და ნათლისღების მნიშვნელობაზე ისაუბრა.
„გილოცავთ, ნათლისღების დიდებულ დღესასწაულს. გადმოგცემთ სრულიად საქართველოს კათოლიკოს-პატრიარქ ილია მეორის ლოცვა-კურთხევასა და მოლოცვას.
დღეს ყველა ტაძარში იგალობება შემდეგი საგალობელი: „რაოდენთა ქრისტეს მიერ ნათელ გვიღებიეს, ქრისტე შეგვიმოსიეს“. ეს ნიშნავს, რომ ვინც მოვინათლეთ, ქრისტე შევიმოსეთ. ამიტომ იგალობება ეს საგალობელი, რომ ქრისტე თავისი მადლით შემოვიდეს ჩვენს გულში და წარხოცოს ჩვენი ცოდვები.
წმინდა ნათლისღებას შევყავართ ჩვენ ეკლესიაში. ვევედროთ უფალს, შეგვაძლებინოს, რომ ქრისტე შევიმოსოთ“, – განაცხადა მეუფე შიომ.