პოლიტიკური შეხვედრები, რომელიც პრემიერს ჰქონდა უმაღლეს დონეზე დავოსში, სწორედ ეს იძლევა შესაძლებლობას, რომ დაინტერესდნენ დამატებით სხვადასხვა ორგანიზაციები თუ ჯგუფები საქართველოში ინვესტირებით, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.
როგორც შალვა პაპუაშვილმა აღნიშნა, პრემიერ-მინისტრის ასეთი აქტივობების დამსახურებაა, რომ საქართველოს ბოლო სამი წლის განმავლობაში 10-10 პროცენტიანი და ბოლო წელს შვიდპროცენტიანი ეკონომიკური ზრდა ჰქონდა.
„ხაზგასმული იყოს მათ შორის იმ შეხვედრებით, რომელიც დავოსში გაიმართა. მნიშვნელოვანია ის კონტაქტები, რომელიც მყარდება სხვადასხვა ინსტიტუციებთან, რათა მოზიდული იყოს ინვესტიციები. ამავე დროს, პოლიტიკური შეხვედრები, რომელიც პრემიერს ჰქონდა უმაღლეს დონეზე დავოსში და ასეთი სახის ღონისძიებები იძლევა შესაძლებლობას, რომ დაინტერესდნენ დამატებით სხვადასხვა ორგანიზაციები თუ ჯგუფები საქართველოში ინვესტირებით. კიდევ ერთხელ, სწორედ ასეთი შეხვედრებისა და ასეთი აქტივობების, მათ შორის პრემიერ-მინისტრის ასეთი აქტივობების დამსახურება არის, რომ საქართველოს ბოლო სამი წლის განმავლობაში 10-10-პროცენტიანი და ბოლო წელს შვიდპროცენტიანი ეკონომიკური ზრდა ჰქონდა. სამწლიან მონაკვეთში ასეთი მნიშვნელოვანი ზრდა უპრეცედენტოა“, – განაცხადა პაპუაშვილმა.