დამოუკიდებელი დეპუტატი სალომე ზურაბიშვილი ტელევიზიებს მოსმენების კანონის მიღების არასრულფასოვან გაშუქებაში ადანაშაულებს. როგორც დეპუტატი აღნიშნავს, მთავარ ამბად გაშუქდა ეკა ბესელიას და თინა ბოკუჩავას დაპირისპირება, თუმცა მის შინაარსობრივ მხარეზე ყურადღება ნაკლებად გამახვილდა.
“ტელევიზიები რომ არ არიან მოწოდების სიმაღლეზე, არ ასრულებენ სათანადოდ საინფორმაციო სამსახურს დღევანდელ გადაცემებიდან ნათლად სჩანს … მნიშვნელოვან მოსმენების კანონზე ძირითადად გვაჩვენეს სიტყვიერი შეხლა შემოხლა “ეკა და თინას ” შორის მაგრამ არც ახსნა განმარტება შემოთავაზებულ მექანიზმისა, არც განსხვავებული აზრების წარდგენა … ანუ მაყურებელი შესაძლოა გაერთობოდა მაგრამ ვერაფერს გაიგებდა ახლად შექმნილ სისტემის შესახებ: კონტროლის გასაღები და ადამიანის უფლებების დაცვის მექანიზმები, თანამედროვე საფრთხეების გამოწვევების საპასუხოდ გაზრდილ მოსმენის საშუალებები, სხვა ქვეყნების გამოცდილებები.
ყველაფერი ის რაც ამ ქვეყანაში მისი წარსულიდან გამომდინარე ყველას უნდა აინტერესებდეს! მაყურებელი თავის პოლიტიკურ გემოვნების მიხედვით ან თინას ან ეკას მხარეს დაუჭერდა მაგრამ იმას ვერ გაიგებდა თუ რაზე იყო არსეითი დისკუსია … ამ დროს უნდა ითქვას, რომ უაღრესად საინტერესო იყო კანონების პაკეტის განხილვა – ძირფესვიანად მომზადებული და წარდგენილი ეკა ბესელიას მიერ- და საკმაოდ საინტერესო,ზოგჯერ დამაფიქრებელიც კი ოპოზიციის მიერ წარდგენილი არგუმენტები… კარგი იქნებოდა მედია პარლამენტის მუშაობის დამახინჯებული სურათის გავრცელების მაგივრად, ცდილობდეს მაყურებლისთვის გასაგები გახადოს თვით კანონის არსი და ჩვენი ხანგრძლიი განხილვის პროცესის შინაარსი! – აცხადებს სალომე ზურაბიშვილი