ამერიკის შეერთებული შტატების ელჩი დეკანოზის საქმეზე პირველ კომენტარს აკეთებს. იან კელი ინფორმირებულია, მაგრამ დეტალები არ იცის. ელჩი იმედოვნებს, რომ გამოძიება სიმართლეს დაადგენს.
იან კელის სურს, ზიანი არ მიადგეს ილია მეორეს და ზოგადად, არავინ დაზარალდეს ქართულ მართლმადიდებელ ეკლესიაში.
ინფორმაციას ტელეკომპანია “იმედი” ავრცელებს.
დეკანოზი გიორგი მამალაძე, მკვლელობის მომზადების ბრალდებით, 10 თებერვალს თბილისის საერთაშორისო აეროპორტში დააკავეს. ის ბერლინში, პატრიარქთან მიფრინავდა. ილია მეორეს HELIOS Klinikum Berlin-Buch-ში ოპერაციისთვის ამზადებდნენ. მოქალაქემ პროკურატურას აცნობა, რომ მამა გიორგიმ ციანიდის მოძიებაში დახმარება სთხოვა, რითაც მაღალი იერარქიის სასულიერო პირი უნდა მოეწამლა.
კომენტარები