უკრაინის საჰაერო ძალების მეთაური ნიკოლაი ოლეშჩუკი ავრცელებს ინფორმაციას, რომ უკრაინელებმა კიდევ ერთი რუსული სუ-34 გამანადგურებელი ბომბდამშენი ჩამოაგდეს.
“მინუს კიდევ ერთი სუ-34 აღმოსავლეთის მიმართულებით”, – დაწერა მან “ტელეგრამზე” და აღნიშნა, რომ გუშინ რუსმა პილოტებმა მოახერხეს უკრაინის მიერ გაშვებული რაკეტების თავიდან არიდება, მაგრამ ეს ყოველთვის ასე არ იქნება.
“ამიტომ, ოკუპანტებს ვურჩევ ყოველი ფრენის წინ, ყოველი შემთხვევისთვის, ნათესავები ნახონ. რადგან ვინ იცის, ამჯერად გაუმართლებთ თუ არა”, – წერს მეთაური.
მანამდე უკრაინულმა მხარემ 21 თებერვალს გაავრცელა ინფორმაცია, რომ სუ-34 ჩამოაგდეს.
კომენტარები