გერმანიაში Lufthansa-ს თანამშრომლებმა სამდღიანი გაფიცვა დაიწყეს. ავიაკომპანიის ტექნიკური განყოფილების თანამშრომლები ანაზღაურების მომატებას ითხოვენ. გაფიცვის შესახებ თანამშრომლებმა ავიაკომპანიას მხოლოდ 12 საათით ადრე აცნობეს. Lufthansa-ს წარმომადგენლების განცხადებით, ეს მათი მხრიდან უპასუხისმგებლო ნაბიჯია.
თუმცა გერმანული მედიის ცნობით, სამდღიანი გაფიცვა დაგეგმილ კომერციულ რეისებზე გავლენას არ მოახდენს. გაფიცულების მოთხოვნებთან დაკავშირებით, ავიაკომპანიასა და პროფკავშირებს შორის მოლაპარაკებები 14 მარტს არის დაგეგმილი.
კომენტარები