ჩვენ ვიმეგობრებთ ყველასთან თანამედროვე მსოფლიოში, ვინც ჩვენს ეროვნულ ინტერესებში ჩაჯდება და მეგობრობას ამ საკითხს ასე მოარგებს, მაგრამ არცერთი ქვეყნის წარმომადგენელს გადაწყვეტილებებში არ ჩავრევთ – საქართველო თავად მიიღებს მასთან დაკავშირებულ შიდა გადაწყვეტილებებს, – ამის შესახებ საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებს „ვეტინგის“ სისტემაზე საუბრისას განუცხადა.
„ბევრმა ადამიანმა „ვეტინგი“ ვერ გაიგო, ამიტომ განვმარტოთ: „ვეტინგი“ ნიშნავს, რომ უცხოელმა ადამიანებმა, რომლებიც მოვლენილები იქნებიან საქართველოში, უნდა გადაწყვიტონ სასამართლო სისტემაში რაღაც საკითხები. ჩვენ კატეგორიულად ვაცხადებთ, რომ საქართველოში მიუღებელია სხვა ქვეყნის მოქალაქეებმა გადაწყვიტონ თუნდაც მინიმალური რაიმე საკითხი. ეს არის სუვერენიტეტის თემა, ეს არის პრობლემა დამოუკიდებლობის თვალსაზრისით და საქართველო ამიერიდან არასდროს განახორციელებს ისეთ რეფორმას, სადაც რაიმე დომინაცია იქნება უცხოელების ხელში“, – აღნიშნა მამუკა მდინარაძემ.
„ნაციონალურ მოძრაობაში“ ე.წ. ვეტინგის სისტემის შემოღებას ითხოვენ, რაც მოსამართლეების შემოწმებას და მათ გათავისუფლებას გულისხმობს. მათი იდეაა, რომ საქართველოში სასამართლოს დაკომპლექტების პროცესი უცხო ქვეყნების საელჩოების მიერ წარიმართოს.