სლოვაკეთის თავდაცვის მინისტრმა, რობერტ კალინაკმა განაცხადა, რომ დასავლეთის ჯარების უკრაინაში განლაგების განხილვის ნაცვლად მოკავშირეებმა უნდა განიხილონ სამობილიზაციო ასაკის უკრაინელი მამაკაცების სამშობლოში დაბრუნება. ინფორმაციას ამის შესახებ უკრაინული მედია ავრცელებს.
“ჩვენ გვსურს [დასავლური] ჯარების გაგზავნა უკრაინაში იმის ნაცვლად, რომ ვიფიქროთ უკრაინიდან ყველა ლტოლვილზე, რომლებსაც ვიცავთ, რომლებსაც ვაძლევთ საცხოვრებელ ადგილს, სამუშაოს და ა.შ. არიან ადამიანები, რომლებიც ექვემდებარებიან უკრაინის კანონს მობილიზაციის შესახებ”, – აღნიშნა სლოვაკეთის თავდაცვის უწყების ხელმძღვანელმა.
“მე ვფიქრობ, რომ საკმარისი ხალხის ყოლა უკრაინელი სამხედროებისთვის ყველაზე დიდი დახმარება იქნება”, – დასძინა მან.
კალინაკის თქმით, დაახლოებით 300 000 უკრაინელი, რომლებიც საზღვარგარეთ წავიდნენ სრულმასშტაბური ომის დაწყების შემდეგ, ექვემდებარება უკრაინის კანონს მობილიზაციის შესახებ.