რუსი ოპოზიციონერის, ალექსეი ნავალნის შტაბის ყოფილ ხელმძღვანელს, ლეონიდ ვოლკოვს ვილნიუსში საკუთარ სახლთან თავს დაესხნენ.
როგორც ნავალნის პრესსპიერი კირა იარმიში სოციალურ ქსელში წერს, მას მანქანის მინა ჩაუმსხვრიეს და თვალებში ცრემლსადენი გაზი შეასხეს, რის შემდეგაც ჩაქუჩით სცემეს.
მოგვიანებით იარმიშმა დაწერა, რომ ლეონის ვოლკოვი საავადმყოფოში გადაიყვანეს.
მომხდარს ლიეტუვის საგარეო საქმეთა მინისტრი გაბრიელიუს ლანდსბერგისი გამოეხმაურა.
„ლეონიდზე თავდასხმის ამბები შოკისმომგვრელია. შესაბამისი უწყებები მუშაობენ. დამნაშავეებს მოუწევთ პასუხის გაცემა თავიანთი დანაშაულისთვის“, – წერს მინისტრი.
მოგვიანებით ვოლკოვმა ვიდეომიმართვა გამოაქვეყნა. მისი თქმით, მას ხელი აქვს მოტეხილი.
„ეს იყო ბანდიტური პეტერბურგიდან პუტინისთვის დამახასიათებელი მოკითხვა“, – აღნიშნა ვოლკოვმა.