მიხეილ სააკაშვილის გათავისუფლება, იმ იმედებთან ერთად, რაც აქვს „ნაციონალურ მოძრაობას“, ასევე მოიცავს ძალიან დიდ ზიანს. ამიტომ არის, რომ დღემდე იკვლევენ, ფიქრობენ, ასიათასებს უხდიან ექსპერტებსა და ანალიტიკოსებს, რომ გაარკვიონ რა მოხდება სააკაშვილს თუ გამოუშვებენ და რა მოხდება თუ ციხეში დატოვებენ, – ამის შესახებ პარლამენტის თავმჯდომარის მოადგილემ, არჩილ თალაკვაძემ გადაცემაში „იმედი LIVE“ განაცხადა.
„ერთი მხრივ, ძალიან უნდათ, რომ გათავისუფლდეს სააკაშვილი, რადგან იციან, რომ თვითონ არც რევოლუციის შანსი აქვთ და არც არანაირი მხარდაჭერა. ის 15 თუ 18 % რაც დარჩათ თავიანთი კვლევბით, ალბათ ეკუთვნის მიხეილ სააკაშვილს, ეს იციან და მაგიტომ უნდათ მისი გათავისუფლება.
მეორე მხრივ, იციან რომ მისი გათავისუფლება იქნება ძალიან დიდი ზიანი და ეს ყველაზე მეტად არ უნდა „ნაციონალური მოძრაობის“ იმ დაჯგუფებას, რომელმაც სააკაშვილის ჩამოართვა პოლიტიკური მემკვიდრეობა, პარტია, თანამდებობა“, – აღნიშნა არჩილ თალაკვაძემ.