აშშ-ის ყოფილმა ვიცე-პრეზიდენტმა, მაიკ პენსმა განაცხადა, რომ მხარს არ დაუჭერს დონალდ ტრამპს 2024 წლის საპრეზიდენტო არჩევნებში. ინფორმაციას ამის შესახებ ამერიკული მედია ავრცელებს.
“გასაკვირი არ უნდა იყოს, რომ წელს დონალდ ტრამპს არ დავუჭერ მხარს”, – აღნიშნა მაიკ პენსმა.
“წარმოუდგენლად ვამაყობ ჩვენი ადმინისტრაციის [ტრამპის ადმინისტრაცია] მიღწევებით, რამაც ამერიკა გახადა უფრო აყვავებული, უფრო უსაფრთხო. მაგრამ, როგორც ვთქვი, ჩემი საპრეზიდენტო კამპანიის დროს ცხადი გახდა, რომ ტრამპთან მთელ რიგ საკითხებზე განსხვავებული ხედვები გვაქვს”, – განაცხადა აშშ-ის ყოფილმა ვიცე-პრეზიდენტმა.
კომენტარები