საქართველოს პრემიერ-მინისტრის პირველი ოფიციალური ვიზიტი ბრიუსელში და ბატონი სტოლტენბერგის საპასუხო ვიზიტი საქართველოში, რა თქმა უნდა, არის იმის მკაფიო დადასტურება, თუ რაოდენ მნიშვნელოვანი და პრიორიტეტულია როგორც ჩვენთვის, ასევე, ნატოსთვის საქართველოს ალიანსში გაწევრიანება, – ამის შესახებ საქართველოს პარლამენტის თავდაცვისა და უშიშროების კომიტეტის თავმჯდომარემ, ირაკლი ბერაიამ განაცხადა.
„ბატონი სტოლტენბერგის ვიზიტი არის მკაფიო პოლიტიკური მხარდაჭერის გამოხატულება ჩვენი ქვეყნის მისამართით, ისევე, როგორც საქართველოს ევროატლანტიკური ინტეგრაციის პროცესის წარმატების აღიარება და ხაზგასმა, ამ პროცესის მხარდაჭერის შემდგომი გაძლიერების მზაობა. ეს რა თქმა უნდა, არის კრიტიკულად მნიშვნელოვანი, როგორც უსაფრთხოების გაუარესებული მდგომარეობის ფონზე, ასევე მოახლოებული ვაშინგტონის სამიტის წინ“, – აღნიშნა ბერაიამ.
იენს სტოლტენბერგი დღეს საქართველოს ეწვევა.