აშკარაა, რომ „თბილისი პრაიდი“ იტყუება და დეზინფორმაციას ავრცელებს, – ამის შესახებ იურიდიულ საკითხთა კომიტეტის თავმჯდომარის პირველმა მოადგილემ დავით მათიკაშვილმა განაცხადა.
„მათივე ინფორმაციით, ტარდება გარკვეული ტრენინგი. როგორც შეძლეს შარშან და რუსული კლიშე მიაკერეს სრულიად ქართულ კანონს, რომელიც ჩვენი მოქალაქეების უფლებების დაცვაზე იყო ორიენტირებული და გამჭვირვალობის კანონი ერქვა და ეს ყველაფერი ევროპის წინააღმდეგ რაღაც დარაზმვად შეასაღეს საზოგადოებას, იგივეს ცდილობენ ლგბტ პროპაგანდის წინააღმდეგ იმ საკანონმდებლო სივრცის მიმართებით, რასაც უმრავლესობა აანონსებს“, – მიიჩნევს მათიკაშვილი.
„თბილისი პრაიდის“ ორგანიზებითა და გაეროს განვითარების ფონდის დაფინანსებით გაიმართა სემინარი. სემინარის შემდეგ „თბილისი პრაიდისა“ და გაეროს განვითარების ფონდში ურთიერთგამომრიცხავი და განსხვავებულ განმარტებები გაკეთდა. „პრაიდმა“ თქვა, რომ იმსჯელეს რუსულ დეზინფორმაციაზე, ხოლო გაეროს განვითარების ფონდმა განმარტა, რომ სემინარი უმცირესობების უფლებებს ეხებოდა.