პარლამენტის იურიდიულ საკითხთა კომიტეტის თავმჯდომარის პირველი მოადგილის, დავით მათიკაშვილის განცხადებით, ოპოზიცია და „თბილისი პრაიდი“ ერთ ხმაში მოქმედებენ.
მისი თქმით, ოპოზიციას და „თბილისი პრაიდს“ სურთ საზოგადოების მღელვარება გამოიწვიონ ტყუილებით, თითქოს კანონპროექტი არის არა ლგბტ პროპაგანდის წინააღმდეგ, არამედ საქართველოს ევროპული არჩევანის წინააღმდეგ.
„ოპოზიცია და „თბილისი პრაიდი“ ერთ ხმაში მოქმედებენ. პირდაპირ რომ ვთქვათ, მათ ეშინიათ საკუთარი პოზიციის გამოხატვის, რადგან სურთ, რომ მას მერე, რაც კანონპროექტი დაიდება საზოგადოების მღელვარება გამოიწვიონ ტყუილებით, თითქოს ეს კანონპროექტი არის არა ლგბტ პროპაგანდის წინააღმდეგ, არამედ საქართველოს ევროპული არჩევანის წინააღმდეგ. რა თქმა უნდა, მათ ეს არ გამოუვათ“, – აღნიშნა დავით მათიკაშვილმა.
უმრავლესობა ლგბტ პროპაგანდის წინააღმდეგ კანონპროექტს პარლამენტში მიმდინარე კვირაში წარადგენს. მმართველ პარტიაში აცხადებენ, რომ აღნიშნული კანონპროექტი ითვალისწინებს არა ადამიანის უფლებების, არამედ ლგბტ პროპაგანდის შეზღუდვას. ოპოზიცია კი კვლავ დოკუმენტის წარდგენას ელოდება და კანონპროექტის აუცილებლობას ვერ ხედავს.