აშშ-ის ინდო-წყნარი ოკეანის სარდლობის მეთაურმა, ადმირალმა ჯონ აკილინომ განაცხადა, რომ ჩინეთი აძლიერებს თავის სამხედრო და ბირთვულ არსენალს უპრეცედენტო მასშტაბით და ყველა ნიშანი იმაზე მიუთითებს, რომ იგი მიჰყვება თავის ამბიციებს, მზად იყოს 2027 წლისთვის ტაივანში შეჭრისთვის. ინფორმაციას ამის შესახებ სააგენტო Bloomberg-ი ავრცელებს.
ჯონ აკილინოს თქმით, პეკინის ეკონომიკური გამოწვევების მიუხედავად, მისი ოფიციალური თავდაცვის ბიუჯეტი ბოლო წლების განმავლობაში 16%-ით გაიზარდა და 223 მილიარდ დოლარზე მეტია.
“ყველა მინიშნება მიუთითებს იმაზე, რომ [ჩინეთის] სახალხო-განმათავისუფლებელი არმია დააკმაყოფილებს პრეზიდენტ სი ძინპინის დირექტივას, რომ მზად იყოს ტაივანში 2027 წლისთვის შესაჭრელად”, – აღნიშნა აშშ-ის ინდო-წყნარი ოკეანის სარდლობის მეთაურმა.
მან ასევე აღნიშნა, რომ ჩინეთის არმია ასევე ამუშავებს ტაივანის წინააღმდეგ ოპერაციებთან დაკავშირებულ სხვადასხვა ამოცანებს, როგორიცაა საზღვაო და საჰაერო ბლოკადის სიმულაცია.