ისრაელის თავდაცვის ძალებმა (IDF) ალ-შიფას საავადმყოფოში სამხედრო რეიდის დროს, სამი მილიონი დოლარის ოდენობის ნაღდი ფული იპოვეს. „ცაჰალის“ ცნობით, დიდი ალბათობით თანხას დაჯგუფება „ჰამასი“ ანკლავში სამხედრო აქტივობისთვის იყენებდა.
ამასთან, ისრაელელმა ჯარისკაცებმა საავადმყოფოს ტერიტორიაზე იარაღის დამატებითი საცავები და ტერორისტული ინფრასტრუქტურა აღმოაჩინეს.
ღაზის სექტორის უდიდეს სამედიცინო კომპლექსში სამხედრო ოპერაცია ორშაბათიდან მიმდინარეობს. ამ ხნის განმავლობაში „ცაჰალმა“ „ჰამასის“ 140 წევრი გაანადგურა. მათ შორის არიან დაჯგუფების მაღალჩინოსნებიც.
კომენტარები