თბილისის საკრებულოს ოპოზიციონერი დეპუტატები მერიაში, მთავრობის სხდომაზე არ შეუშვეს.
მერიაში თბილისის საკრებულოს ექვსი დეპუტატი იმყოფება, მათ სურდათ კითხვები თბილისის მერისთვის დაესვათ რადგან, დავით ნარმანია საკრებულოში არ მიდის.
თბილისის მთავრობის სხდომაზე საკრებულოს ოპოზიციის წევრები დაცვის სამსახურმა არ შეუშვა.
მათი განცხადებით, თბილისის მერმა დაარღვია კანონი, როდესაც მოსამართლე ნაზღაიძის ოჯახისთვის კომპენსაცია გასცა. ენმ-ს წევრი მარიკა დათუკიშვილი აცხადებს, რომ დავით ნარმანია კანონს დღესაც არღვევს.
„ნარმანიას არ აქვს უფლება რომ გასცეს ბრძანება და სრული მობილიზაცია გააკეთოს თავის დაცვის სამსახურის. მას რისი ეშინია არ ვიცი, მას ეშინია საკრებულოს დეპუტატების და ხომ წარმოგიდგენიათ თავისი ამომრჩევლების და ხალხის როგორ ეშინია. ჩვენ დღეს მოვედით აქ რომ მთავრობის სხდომაზე დავსწრებოდით, ბატონი ნარმანია ამბობს რომ მას თურმე არ ცალია და საქმეს ვინღა გააკეთებს რომ ამ უსაქმურმა რომ არ აკეთოს ეს საქმე,“-აცხადებს მარინა დათუკიშვილი.