აშშ-ის თავდაცვის მდივანმა, ლოიდ ოსტინმა განაცხადა, რომ ჯერ ნაადრევია საუბარი იმაზე, თუ რა გავლენას მოახდენს უკრაინისათვის აშშ-ის მიერ გამოყოფილი დაფინანსება ბრძოლის ველზე. ინფორმაციას ამის შესახებ უკრაინული მედია ავრცელებს.
ლოიდ ოსტინის თქმით, საჭიროა დრო იმისთვის, რომ უკრაინმა მიიღოს გამოყოფილი შესაძლებლობების ნაწილი.
„ჩვენ პრიორიტეტს ვანიჭებთ [სამხედრო დახმარების] კრიტიკულ ელემენტებს, როგორიცაა საჰაერო თავდაცვის სისტემები და საარტილერიო საბრძოლო მასალა“, – აღნიშნა პენტაგონის ხელმძღვანელმა.
„რთულია დროის უკან დაბრუნება, მაგრამ მე მივიჩნევ, რომ ამ დახმარების გარეშე უკრაინას ძალიან გაუჭირდებოდა თავის დაცვა რუსების უპირატესი ძალებისგან“, – განაცხადა მან.
კომენტარები