“ვნახეთ ელჩების და მათი ქვეყნების წარმომადგენლების განცხადებები რომ არაპროპორციული ძალა გამოიყენა პოლიციამ, რაც სასაცილოა შავზე გვეუბნებიან რომ თეთრია”

ვნახეთ ელჩების და მათი ქვეყნების წარმომადგენლების განცხადებები, რომ არაპროპორციული ძალა გამოიყენა პოლიციამ, რაც სასაცილოა, შავზე გვეუბნებიან, რომ თეთრია და სამწუხაროა, – ამის შესახებ შინაგან საქმეთა მინისტრმა, ვახტანგ გომელაურმა ჟურნალისტებთან განაცხადა.

მანვე აღნიშნა, რომ მაშინ, როდესაც აქციის მონაწილეებმა პარლამენტთან ცეცხლი დაანთეს, კამერები და კარები დააზიანეს, პოლიციელები ადგილზე არ გასულან, რადგან შეტაკება არ მომხდარიყო.

„გაჟღერებული ინფორმაციის ნახევარი პირდაპირ ეთერებში ვნახეთ, რასაც აკეთებდნენ, საუბრები, გადატრიალებები, გადმოვარდნა, გადატრიალდნენ, გადმოტრიალდნენ თავიანთ ოფისებში თუ უნდათ, დაანებონ თავი პარლამენტს და სახელმწიფო უწყებების შენობებს,. ვნახეთ, ახალგაზრდებმა პარლამენტთან კარები, კამერები დაამტვრიეს, ცეცხლი დაანთეს. ერთი პოლიციელიც არ გამოსულა, რომ არ მომხდარიყო შეტაკება და ეს ბავშვები არ დაშავებულიყვნენ, მაქსიმალურად გავითვალისწინეთ. მეორე დილით ვნახეთ ელჩების და მათი ქვეყნების წარმომადგენლების განცხადებები, რომ არაპროპორციული ძალა გამოიყენა პოლიციამ, რაც სასაცილოა. შავზე გვეუბნებიან, რომ თეთრია და სამწუხაროა“, – განაცხადა გომელაურმა.