უკრაინის რადამ თანამდებობიდან გადააყენა აგრარული პოლიტიკისა და საკვების მინისტრი მიკოლა სოლსკი, რომელსაც სახელმწიფოს კუთვნილი მიწის მითვისებაში ადანაშაულებენ. ამის შესახებ Telegram-ზე უკრაინელი დეპუტატი იაროსლავ ჟელეზნიაკი წერს.
მისივე ინფორმაციით, სოლსკის გადაყენებას 273-მა დეპუტატმა დაუჭირა მხარი.
მიკოლა სოლსკის პროკურატურა 7 მილიონი დოლარის ღირებულების სახელმწიფო მიწის არაკანონიერ მითვისებას ედავება. სასამართლომ სოლსკი 1,9 მილიონი დოლარის ოდენობის გირაოს სანაცვლოდ გაათავისუფლა. მას კიევიდან გასვლა და ყოფილ თანამშრომლებთან კომუნიკაცია ეკრძალება.
კომენტარები