მსახიობ კოტე თოლორდავას ქვრივი განო მელითაური “სარკესთან” ინტერვიუში მისი ცხოვრების შესახებ საუბრობს.
განო ამ ეტაპზე შვილების ყურადღებაზეა ორიენტირებული, მისი თქმით სამომავლოო გეგმებიც ბავშვების სურვილების მიხედვით განვითარდება.
“ყველა მეუბნება, რომ ოჯახი უნდა შევქმნა. მარტო როგორ უნდა გაძლო, აუცილებლად შეგიყვარდება კიდევ ერთხელო. არ მოგატყუებთ, არსებობენ ადამიანები რომლებსაც სურვილი აქვთ ჩემთან სერიოზული ურთიერთობის, თუმცა არ მგონია, რომ ეს ის თემაა, რომელზეც უნდა ვილაპარაკო. თუ ოდესმე შევქმნი ოჯახს, ამაზე ხმამაღლა ვილაპარაკებ, მაგრამ დღეს ეს წარმოუდგენლად მიმაჩნია, ამისთვის მზად არ ვარ და ყველა იმ ადამიანს, რომელსაც ჩემთან ურთიერთობა უნდა, ეს კარგად იცის.
პროგნოზებს არ გავაკეთებ. არც ის მგონია დანაშაული, თუ პირად ცხოვრებას ხელმეორედ დავიწყებ და არც ის, თუ არ დავიწყებ.
ორიენტირებული ვარ მხოლოდ ჩემს შვილებზე, მათ ფსიქიკასა და აღქმაზე. შესაბამისად ჩემი ყველა ნაბიჯი – პირად თუ საქმიან ცხოვრებაში, მათი სურვილებით და შეხედულების თანხვედრით მოხდება”, – ამბობს განო მელითაური “სარკესთან” საუბრისას.