გიორგი გაბუნიამ აქციაზე შეკრებილებს სიტყვით მიმართა.
“ეს აქცია-კონცერტი უნდა ყოფილიყო ჩვენი მხარდამჭერი, გამამხნევებელი, მაგრამ სრულიად მოულოდნელად ეს იქცა საზეიმო აქციად. ეს უნდა ყოფილიყო საპროტესტო მიტინგი, მაგრამ ეს იქცა გამარჯვების მიტინგად და ეს არის პირველ რიგში იმ ადამიანების დამსახურება, რომლებიც ჩვენს გვერდით დგახართ, ეს არის ყველა იმ ძალის დამსახურება, რომელსაც ესმის, თუ რამდენად მნიშვნელოვანია “რუსთვი 2” , დამოუკიდებელი მედია საქართველოში. რა თქმა უნდა ეს არის ახლა უკვე დასავლეთის, ჩვენი მთავარი მეგობრის, პარტნიორის დამსახურება, რომელმაც ძალიან კარგად იცის, თუ რამდენად მნიშვნელოვანია, ის, რომ “რუსთვი 2” დარჩეს თქვენთვის ისეთი სახით, როგორიც ის არსებობს დღეს. ამისათვის დიდი მადლობა დასავლეთს, ვგულისხმობ, რა თქმა უნდა ევროპას, იმ მოსამართლეებს, რომლებმაც გადაწყვეტილება მიიღეს, ვგულისხმობ აშშ-საც რომელიც ჩვენი პარტნიორია და რომელიც პირველი წუთიდანვე იდგა ჩვენს გვერდით. ჩვენი გზა მათკენ მიდის და ამ გზიდან ვერავინ გადაგვახვევინებს, ეს ძალიან კარგად იციან მათ, ამიტომაც დგანან ჩვენს გვერდით.
რაც შეეხება ჩვენს ხელისუფლებას, სამწუხაროდ მათ გვერდით დგანან სულ სხვანაირი ადამიანები. ისინი ისტორიაში შევიდნენ ურთმელიძის დედის ნაჯახით, გუჯაბიძის დედისთვის ჩვენივე ფულით მიქირავებული ბინით, უზენაესი სასამართლოს 9 მოსამართლით, რომლებმაც, როგორც ბრმომ, ერთმხად მისცა ხმა იმ გადაწყვეტილებას, რომელიც მათთვის დაწერა ამ ხელისუფლებამ.
რაც შეგვეხება ჩვენ, არა თუ შევედით ისტორიაში, იმ 7 მოსამართლესთან ერთად, რომელმაც ასევე ერთხმად დაგვიჭირა მხარი, არამედ ჩვენ შევცვალეთ ისტორია, არა მარტო საქართველოს ისტორია, არამედ მოვახერხეთ და ევროპის ისტორიაც კი შევცვალეთ. მართლმსაჯულების ისტორიაში ასეთი რამ არ მომხდარა”, – აღნიშნა გიორგი გაბუნიამ.