ევროპარლამენტის პრეზიდენტმა, რობერტა მეცოლამ საკუთარი არჩევანი მალტაში გააკეთა.
„მოვალეობა შესრულებულია. 2024 წლის ევროპარლამენტის არჩევნებში ჩემი ხმა დავაფიქსირე. გამოიყენე შენი ხმა, თორემ სხვა გადაწყვეტს შენს მაგივრად”, – წერს მეცოლა სოციალურ ქსელში.
მალტაში დღეს საარჩევნო უბნები დილის 07:00 საათზე გაიხსნა, კენჭისყრა 22:00 საათამდე გაგრძელდება.
მალტა ევროკავშირის ყველაზე პატარა ქვეყანაა, თუმცა მაღალი საარჩევნო აქტივობით გამოირჩევა. 2019 წელს ამომრჩევლის აქტივობა 73%-ი იყო, მას მხოლოდ ბელგია და ლუქსემბურგი უსწრებდნენ. აღსანიშნავია, რომ ქვეყანაში არჩევნებში მონაწილეობა სავალდებულოა.
ახალი მოწვევის ევროპარლამენტში მალტას ექვსი წარმომადგენელი ეყოლება.
კომენტარები