დღეს, საქართველოს ეროვნული ნაკრები მონტენეგროს ნაკრებს დაუპირისპირდება. მატჩი პოდგორიცას სტადიონზე გაიმართება.
ჩვენმა გუნდმა ავსტრიაში საწვრთნელი შეკრება დაასრულა, 8 ივნისს გაინბერგში ივარჯიშა და მონტენეგროში გაემგზავრა, სადაც ევროპის ჩემპიონატამდე ერთადერთ ამხანაგურ შეხვედრას ჩაატარებს.
მონტენეგროს ნაკრები
ჩვენი გუნდის მეტოქის მთავარი მწვრთნელი რობერტ პროსინეცკია, კაპიტანი კი – სტევან იოვეტიჩი. ფიფა-ს მიმდინარე რეიტინგში მონტენეგრო 70-ე ადგილს იკავებს, ხოლო კლასიფიკაციაში საუკეთესო შედეგი 2011 წლის ივნისში ჰქონდა – მეთექვსმეტე ადგილი.
მონტენეგრო ერთ-ერთი ყველაზე ახალი ეროვნული ნაკრებია მსოფლიოში, რომელიც ფიფა-ს და უეფა-ს 2007 წელს შეუერთდა. ქვეყანა ფიფა-ს 208-ე წევრად მიიღეს. მონტენეგრომ პირველი ოფიციალური საერთაშორისო მატჩი უნგრეთის წინააღმდეგ 2007 წლის მარტში ჩაატარა.