გერმანიაში „ჰამბურგის ისლამური ცენტრი“ დახურეს. გავრცელებული ცნობით, ორგანიზაციის წინააღმდეგ რამდენიმეთვიანი გამოძიება მიმდინარეობდა „ჰეზბოლას“ სავარაუდო მხარდაჭერის გამო, რომელიც გერმანიაში ტერორისტულ ჯგუფად არის კლასიფიცირებული.
გერმანიის შინაგან საქმეთა მინისტრ ნენსი ფაიზერის თქმით, „ჰამბურგის ისლამური ცენტრის“ ფუნქციონირება აიკრძალება ექსტრემიზმის პროპაგანდისთვის და მის ცნობილ „ცისფერ მეჩეთში“ კი სამართალდამცველები ჩხრეკას აწარმოებენ.
„ჩემთვის ძალიან მნიშვნელოვანია მკაფიოდ გავმიჯნო: ჩვენ არ ვმოქმედებთ რელიგიის წინააღმდეგ“, – განაცხადა ფაიზერმა და აღნიშნა, რომ ისინი მოქმედებენ იმ ჯგუფების წინააღმდეგ, რომელთაც ბრალი ედებათ გერმანული სახელმწიფოსთვის ძირის გამოთხრასა და ასევე ქალთა უფლებების შელახვისთვის.
აღსანიშნავია, რომ „ჰამბურგის ისლამური ცენტრი“ არის ორგანიზაცია, რომლის წინააღმდეგაც, მინისტრის თქმით, „აგრესიული ანტისემიტიზმის გავრცელების“ გამო გამოძიება მიმდინარეობს. მასთან კავშირში არსებულ სხვა 53 ობიექტზე ქვეყნის მასშტაბით, პოლიციამ ჩხრეკის ოპერაცია ჩაატარა.
ხვა 53 ობიექტზე ქვეყნის მასშტაბით, პოლიციამ ჩხრეკის ოპერაცია ჩაატარა.