ქრთამის აღების საქმეზე გასამართლებული ამერიკელი სენატორი ბობ მენენდესი თანამდებობას ტოვებს. ამის შესახებ Reutersს-ი წერს.
გამოცემის ინფორმაციით, სენატორმა შესაბამისი თხოვნით ნიუ-ჯერსის გუბერნატორს უკვე მიმართა.
მენენდესი გასულ კვირას მასშტაბურ კორუფციულ სქემაში დამნაშავედ ცნეს. გამოძიების მიხედვით, სენატის საგარეო ურთიერთობათა კომიტეტის ყოფილი ხელმძღვანელი სხვა ქვეყნის ინტერესების გატარების სანაცვლოდ, დიდი ოდენობით ქრთამს იღებდა. გამომძიებლებმა მის სახლში ოქროს ზოდებს, ასობით ათასი დოლარის ოდენობის ნაღდ ფულს და ძვირადღირებულ ნივთებს მიაგნეს.
გამოძიების ინფორმაციით, ამერიკელი სენატორი ფულის სანაცვლოდ უცხო ქვეყნის აგენტად წლების განმავლობაში მუშოაბდა.
კომენტარები