ტაივანის სამოქალაქო ავიაციის ხელმძღვანელობამ ძლიერი ტაიფუნის გაემის მოლოდინში ფრენების გაუქმების გადაწყვეტილება მიიღო. ინფორმაციას ამის შესახებ BBC ავრცელებს.
ტაივანის ტრანსპორტის სამინისტროს განცხადებით, გაუქმდა თითქმის ყველა შიდა ფრენა და 200-ზე მეტი საერთაშორისო რეისი. ადგილობრივმა ხელისუფლებამ ოთხშაბათი უკვე გამოაცხადა ტაიფუნის დღედ და მოსახლეობას სახლში დარჩენა ურჩია. სკოლებში სწავლა გადაიდო.
ივარაუდება, რომ ტაიფუნი გაემი ტაივანის ჩრდილო-აღმოსავლეთ სანაპიროს ოთხშაბათს გვიან საღამოს გადაუვლის. მისი სიჩქარე 240 კმ/ს იქნება, რაც ქარის სიმძლავრისა და დამანგრეველი ძალის თვალსაზრისით მეოთხე კატეგორიის ქარიშხალს უდრის.
კომენტარები