საფრანგეთის პრეზიდენტმა ემანუელ მაკრონმა ევრკომისარი შიდა ბაზრის საკითხებში ტიერი ბრეტონი თანამდებობაზე მეორე ვადით წარადგინა. ინფორმაციას ამის შესახებ Euractiv-ი ავრცელებს.
გამოცემის ცნობით, მაკრონმა უკვე მიმართა შესაბამისი წერილით ევროკომისიის პრეზიდენტს ურსულა ფონ დერ ლაიენს. საფრანგეთის პრეზიდენტი წერილში ბრეტონის გამოცდილებასა და დადებით თვისებებზე საუბრობს.
ბრეტონის ერთ-ერთ დადებით თვისებას, მაკრონის აზრით, წარმოადგენს ის, რომ მან საერთო ევროპული სამხედრო მრეწველობას ჩაუყარა საფუძველი, რათა უკრაინისთვის სამხედრო დახმარების გადაცემა უზრუნველყო. გარდა ამისა, ბრეტონი უკვე რამდენიმე თვეა 100 მილიარდი ევროს ოდენობის ფონდის სახელად „უკრაინა“-ს შექმნის იდეას ლობირებს.
ბრეტონი პირველად ევროკომისრად შიდა ბაზრის საკითხებში 2019 წელს დაინიშნა. ხელმეორედ დანიშვნის შემთხვევაში ის ამ თანამდებობაზე კიდევ ხუთი წელი იმუშავებს.