ცესკომ უმაღლესი პროფესიონალიზმით იმუშავა, – ასე გამოეხმაურა ჟურნალისტებთან საუბრისას საპარლამენტო ფრაქცია „ქართული ოცნების“ თავმჯდომარის მოადგილე ლევან მაჭავარიანი „ნაციონალური მოძრობის“ თავმჯდომარის განცხადებას, თითქოს ცესკომ არჩევნების წინა დღეს „სმარტმატიკის“ ბრენდირებული მარკერები არაბრენდირებულით უკანონოდ ჩაანაცვლა.
ლევან მაჭავარიანის თქმით, ეუთო/ოდირმა თავიანთ ანგარიშში ცესკოს პროფესიონალიზმს ხაზი გაუსვეს.
„ცესკომ უმაღლესი პროფესიონალიზმით იმუშავა. ეუთო/ოდირმა თავიანთ ანგარიშში ამ ყველაფერს ხაზი გაუსვეს.
რა თქმა უნდა, ეს არის მორიგი ცილისწამება და კიდევ ერთხელ შევახსენებთ ჩვენს საზოგადოებას, რომ ზუსტად იგივე პრინციპით არჩევნები ჩატარდა ექვსჯერ, შუალედური არჩევნები და ცესკომ ჩაატარა რვა პილოტი, სადაც ყველამ მონაწილეობა მიიღო, ოპოზიციამაც, პოზიციამაც, არასამთავრობო ორგანიზაციებმაც და ა.შ.
შესაბამისად, ეს ყველაფერი არის, რა თქმა უნდა, ისევ ჰაერიდან მოტანილი სპეკულაციები“, – აღნიშნა ლევან მაჭავარიანმა.