“ჯო ბაიდენის ადმინისტრაცია უკრაინის მხარდაჭერას გააძლიერებს”

აშშ-ის სახელმწიფო მდივანმა, ენტონი ბლინკენმა განაცხადა, რომ ჯო ბაიდენის ადმინისტრაცია გააძლიერებს უკრაინის მხარდაჭერას.

მისი თქმით, აშშ-ის მოქმედი ადმინისტრაცია გააგრძელებს უკრაინის მხარდაჭერას, რათა მან შეძლოს ეფექტურად ბრძოლა 2025 წელს, ან რუსეთთან მოლაპარაკება „ძალის პოზიციიდან“.

ბლინკენმა დასძინა, რომ ბაიდენი „ყოველ დღეს გამოიყენებს“ „ჩრდილოატლანტიკური ალიანსის გასაძლიერებლად“.

გარდა ამისა, აშშ-ის სახელმწიფო მდივანმა აღნიშნა, რომ ჩრდილოკორეული ჯარების განლაგება რუსეთის დასახმარებლად უკრაინის წინააღმდეგ ომში „მოითხოვს და მიიღებს მტკიცე პასუხს“.