ისრაელის პრემიერ-მინისტრი ბენიამინ ნეთანიაჰუ აცხადებს, რომ სირიაში ბაშარ ასადის რეჟიმის დაცემა ახლო აღმოსავლეთში ახალი თავის დასაწყისია.
ნეთანიაჰუს თქმით, რეჟიმის კოლაფსი იმ დარტყმების პირდაპირი შედეგია, რომლებიც ისრაელმა მიაყენა „ჰეზბოლასა“ და „ირანს“.
როგორც ისრაელის პრემიერ-მინისტრმა პრესკონფერენციაზე განმარტა, „ჰეზბოლას“ ლიდერის, ჰასან ნასრალას ლიკვიდაცია გადამწყვეტი იყო ირანის ე.წ. წინააღმდეგობის ღერძის დასასუსტებლად, რომელიც მოკავშირე სახელმწიფოებისა და შეიარაღებული დაჯგუფებებისგან შედგება.
„ვინც ჩვენთან თანამშრომლობს, იგებს. ვინც ჩვენ წინააღმდეგაა, აგებს“, – განაცხადა ისრაელის პრემიერ-მინისტრმა.
ნეთანიაჰუს განცხადებით, ისრაელი განაგრძობს თავისი უსაფრთხოების უზრუნველყოფას გოლანის მაღლობებზე პოზიციების შენარჩუნებით.
კომენტარები