უსაფრთხოების სამსახურის განცხადება, [რომელიც მოქალაქეებს აფრთხილებს რადიკალების მხრიდან შესაძლო პროვოკაციებზე, რამაც მსხვერპლიც შეიძლება გამოიწვიოს], ასახავს იმას, რაც მანამდეც განუცხადებიათ პრევენციის მიზნით“, – განაცახდა მედიასთან უმრავლესობის წევრმა გურამ მაჭარაშვილმა.
მისი თქმით, აქციები მილევად რეჟიმშია, რადიკალების ინტერესი კი არის ის, რომ მუხტი შენარჩუნდეს, შესაბამისად, მათ საკრალური მსხვერპლი სურთ, რათა მასზე ააგონ შემდეგი რადიკალური პროცესი.
„უსაფრთხოების სამსახურის წარმომადგენლებს ინფორმაციები აქვთ და უნდა ჰქონდეთ კიდეც, თუ რას აპირებენ რადიკალური ოპოზიცია და მათი პატრონები. ეს მტკიცებულებებითაც დასტურდებოდა ხოლმე, მაგალითად, როცა სუს-ი საუბრობდა იმ რევოლუციურ სცენარებზე, რასაც საზღვარგარეთიდან აფინანსებდნენ, [შემდეგ კი ამას სემინარებისა და სწავლებების სახით ვხედავდით]. ახლაც, ვხედავთ, რომ ეს აქციები მილევად რეჟიმშია, რადიკალების ინტერესი კი ის არის, რომ მუხტი შენარჩუნდეს. მით უმეტეს, რომ მათი ხელწერა შემდეგი [სლოგანია] – „ორი გვამი მინდა“. შესაბამისად, მათ საკრალური მსხვერპლი სურთ, რათა მასზე ააგონ შემდეგი რადიკალური პროცესი. ამის არაერთი მცდელობა ვიხილეთ – ავარიაში შემთხვევით მოყოლილი ადამიანზე ცდილობდნენ შეექმნათ აღქმა, რომ ის სახელმწიფოს მსხვერპლი იყო, ასევე, სხვა ადამიანებზე და ა.შ.; შესაბამისად, უსაფრთხოების სამსახურმა რა პრევენციული ინფორმაციაც გაავრცელა, ის, სამწუხაროდ, რეალურია. ამიტომ, მოსახლეობა ფხიზლად უნდა იყოს“, – აღნიშნა გურამ მაჭარაშვილმა.