მიხეილ ყაველაშვილი ის პრეზიდენტი იქნება, რომელიც მოემსახურება ქვეყნის და არა უცხოური ძალის ინტერესებს, – ამის შესახებ „ხალხის ძალის“ წევრმა, გურამ მაჭარაშვილმა საქართველოს პირველ არხს განუცხადა.
მისი თქმით, მიხეილ ყაველაშვილი ის პრეზიდენტი იქნება, რომელიც პრეზიდენტის ინსტიტუტის მიმართ მიდგომებს შეცვლის.
„დარწმუნებული ვარ, მიხეილ ყაველაშვილი საქართველოს ის პრეზიდენტი იქნება, რომელიც პრეზიდენტის ინსტიტუტის მიმართ მიდგომებს შეცვლის. საქართველოს ბოლო ორი პრეზიდენტი სამწუხაროდ, ისეთი ჰყავდა, რომლებიც ემსახურებოდნენ არა საქართველოს ინტერესებს, არამედ უცხოური ძალების ინტერესებს. შესაბამისად, მიხეილ ყაველაშვილი იქნება ის პრეზიდენტი, რომელიც ქვეყნის ინტერესებს მოემსახურება“, – განაცხადა გურამ მაჭარაშვილმა.
კომენტარები