საფრანგეთმა ისრაელს მოუწოდა, პატივი სცეს სირიის სუვერენიტეტსა და ტერიტორიულ მთლიანობას და გაიყვანოს ჯარები გოლანის დემილიტარიზებული ზონიდან.
„როგორც გაეროს განცხადებაშია ნათქვამი, ნებისმიერი სამხედრო განლაგება ბუფერულ ზონაში ისრაელსა და სირიას შორის არის 1974 წლის შეთანხმების დარღვევა, რომელსაც პატივი უნდა სცენ [შეთაბნხმების] ხელმომწერებმა, ისრაელმა და სირიამ. საფრანგეთი ისრაელს ამ ტერიტორიიდან გასვლისკენ მოუწოდებს“, – განაცხადა საფრანგეთის საგარეო უწყების სპიკერმა.
გაეროს გენერალური მდივნის სპიკერმა, სტეფან დუჟარიკმა განაცხადა, რომ გაერო სირიის ტერიტორიული მთლიანობის ნებისმიერი დარღვევის წინააღმდეგია.
კითხვაზე ისრაელის მიერ სირიის სამხედრო შესაძლებლობებზე დარტყმების შესახებ დუჟარიკმა უპასუხა:
ჩვენ ამ ტიპის თავდასხმების წინააღმდეგ ვართ. ვფიქრობ, ეს არის გარდამტეხი მომენტი სირიისთვის. [ეს მომენტი] არ უნდა გამოიყენონ მეზობლებმა სირიის ტერიტორიის ხელყოფისთვის.