კომპანია SpaceX-ის დამფუძნებელმა და ტრამპის ადმინისტრაციაში აშშ-ის მთავრობის ეფექტურობის დეპარტამენტის მომავალმა თანახელმძღვანელმა, ილონ მასკმა განაცხადა, რომ აშშ-ის არჩეული პრეზიდენტი, დონალდ ტრამპი უკრაინაში ომის საკითხს ძალიან სწრაფად გადაწყვეტს.
„ვფიქრობ, პრეზიდენტი ტრამპი გადაწყვეტს ამ კონფლიქტს, ვფიქრობ ძალიან სწრაფად“, – აღნიშნა ილონ მასკმა პარტია „ალტერნატივა გერმანიისთვის“ ლიდერთან, ალის ვაიდელთან ინტერვიუში.
„ახლა [ეს კონფლიქტი] გარკვეულ ჩიხშია და ყველაფერი, რაც მოხდა ბოლო რამდენიმე წლის განმავლობაში, არის ასობით ათასი დაღუპული, თუმცა შედეგი არ არის. რაც უფრო დიდხანს გაგრძელდება ეს კონფლიქტი, მით უფრო დასუსტდება უკრაინა რუსეთთან შედარებით“, – დასძინა მან.
კომენტარები